الا يا طـول هالغربـه تعذبنـي وتشقينـي الا يا مطول ايام ٍ بعـد فرقـاك يـا الغالـي
جفتني دنيتـي بعـدك وعادونـي محبينـي ادور ماضي ٍ ضايع ووقـت ٍ كـان يحلالـي
زمان الود والبسمه وشـي ٍ بينـك وبينـي وحب ٍ صادق المعنى رفيع ٍ شامـخ ٍ عالـي
واسم ٍ في وسط قلبي تغلغل فـي شرايينـي وخل ٍ له فؤادي مال وهو دايم علـى بالـي
لذيذ النوم ما ذقته ولا قـط شافتـه عينـي الا يلعن ابو الغربـه اذا مـا شفتـك قبالـي
اذوق من العمر حسره وكاس المر يسقينـي تشتت بالفكر عقلي ودمـع العيـن همالـي
انا وش حيلتي اكثر انا وش عـاد بايدينـي قدر مكتوب اتمرمـر واتقلـب علـى حالـي
تعال ارجوك يا خلّي تعـال ولملـم سنينـي و رد الروح في المجروح لي منه الفرح زال ِ
تعال ورتب اوراقي في هالغربه و واسينـي جروحي صابها اعصار وهمي صار زلـزال ِ
انا مقوى عذاب ٍ صار يصبّحني ويمسّينـي رجيت الوقت بي يرحـم ولكنـه ولا يبالـي
دخيلك بس يا حظي ترى ما فينـي يكفينـي انا لولا الذي فيني ابد مـا اشكـي الحـال ِ
الا يا لعن ابوها غربـه ٍ تطعـن وتدمينـي الا يا لعن ابو يوم ٍ بعد فرقـاك يـا الغالـي
سلامتكم
منقول